Kirim pa sapa dang??

(Manado Only)

Tanta Nenci pe anak pe nama Robert. Dorang adalah penduduk, di salah satu desa di Kecamatan Wori. Pagi itu, ibu Nenci mo ke pasar di Manado. mo bawa akang kopra. Robert minta pa depe mama, untuk isi akang pulsa. Karena di dorang pe kampung nya ada yang bajual pulsa. Robert ada tulis tu nomor hp, di kertas spanggal, kong kase pa de pe mama.

Sampe di Manado (Jengki), Tanta Nenci pigi di tampa bajual pulsa :

Tanta Nenci : Ade....isi akang pulsa dang....

Penjaga : brapa de pe nomor dang tanta?

Tanta Nenci : Napa ini, anak da tulis tadi

Penjaga :( Ambe kong isi) Tanta..... itu pulsa so takirim ne......

Tanta Nenci : Wa...h ( kaget) kirim pa sapa dang tu pulsa..?
Da kirim di oto mana dang kasiang ? Kage salah oto ini.
Kiapa nya kirim pa kita so ??
Kita ini dari tadi da tunggu, ngoni nya kirim pa kita.
(Tanta Nenci so marah)

Penjaga : Ini tanta, so takirim. Lia jo di hp. Napa.....

Tanta Nenci: Iyo.....kita da lia mar kiapa ngoni nya kirim pa kita so?
Kita pe anak mo bilang apa kasiang ?. Kita ne mau bayar.
Deng kita mo tunggu sini sampe ngoni kase tu pulsa.

Dorang so baku ambe. Kebetulan ada polisi, kong dia lei mo isi pulsa di tampa itu. Om polisi mulai kase penjelasan pa Tanta Nenci. Kong tanta Nenci pigi dari situ. Tanta Nenci pigi bukang mangarti deng tu penjelasan mar lantaran tako deng tu polisi. Tanta Nenci iko bilang pa tu penjaga " Awas ngana e...).