ITANG SITU NE.........

Om Ungke memang nelayan yang rajin. Setiap hari, dia selalu bakalao. So satu minggu turung bakalao, Om Ungke belum dapa hasil yang memuaskan. De pe maitua Uto deng Opo de pe anak, so marah-marah. Mar Itu pagi, Om Ungke pigi bakalao ulang.

Om Ungke memang mujur. Dia ada dapa tu ikang geropa deng bobara besar-besar kong banya. Om ungke so ba smore kong pulang. Sampe di pante, Om Ungke langsung bekeng bersih tu ikang, supaya Uto deng Opo so nya repot bekeng bersih di rumah. Bekeng bersih ikang, Om Ungke lei bekeng bersih de pe badang/bacuci.


Om Ungke so klar bekeng bersih tu ikang, cucu di tali kong gantong di pendayung. Om Ungke bajalang pulang ke rumah sambil pikul itu ikang. Biasa, Om ungke bajalang iko jalan blakang lantaran nya jaga dapa. Mar ini Om Ungke iko jalan besar karena dapa banya, tau jo to po.....

Di jalang dia ada baku dapa deng orang-orang. Orang-orang cuma da tetawa lia pa Om Ungke mar dia cuek. Kong dia ada baku dapa deng tanta Nonce:


Tanta Nonce : Ungke..... banya situ e..........................

Om Ungke : Banya no.........................( tersenyum)......kiapa......

Tanta Nonce : Besar situ ne................

Om Ungke : Besar no..........sapa dulu .....ungke ini.............

Tanta Nonce : Itang situ ne............

Om Ungke : Itang no................kiapa..... hari- hari bakalao no......

Om Ungke bajalang terus kong baku dapa deng tanta Merry.

Tanta Merry : Ungke ....besar kote ngana ...........

Om Ungke : Besar no.....................

Tanta Merry : Itang situ ne.................

Om Unke : ( heran ) Itang.........?? Apa ngana bilang.........

Tanta Merry : Itang situ ne.... (tunjung pa Om Ungke)


Om Ungke : ( Kage ) wa......h...h......h


Om Ungke takage lantaran dia nya pake celana. Smore dapa banya ikang lupa pake celana. Orang-orang da tetawa kote lantaran lia Om Ungke pe "torpedo" da gantong-gantong kong itang sehingga orang bilang "Itang situ ne......."