DARI MANALU

ABRI Masuk Desa atau torang kenal deng AMD sekitar tahun 1990-an masoh di daerah Sangihe deng Komandannya dari pulau Jawa yang kedisiplinannya sangat tinggi; tau jo to po. Programnya bekeng jalan bersama deng masyarakat di Kecamatan Tahuna. Pekerjaan bekeng jalan ini so bajalang dua hari deng pagi itu masoh hari ketiga. Seorang bapak (Om Ungke) datang terlambat di tampa karja itu; Si komandan ada liha pa om ungke kong langsung pangge:

Komandan : Hei.....Sini....sini.....sini......

Om Ungke : Iyo ...Komandan....

Komandan : Dari Mana Lu.............??

Om Ungke : Dari Manalu...................

Komandan : Apa............?? Dari Mana Lu??

Om Ungke : Dari Manalu.....

Komandan : Wah.....Kamu ini ditanya kok balik nanya......He...Dari Mana Lu.....??

Om Ungke : Dari Manalu ...........Komandan

Komandan : Apa......? so marah kong tempeleng Puk...puk.....Lu ditanya bagus - bagus balik nanya....puk....

Om Ungke : Ampun, ampun, komandan, Kita jawab betul komandan

Komandan : Apa.....?? betul jawaban kamu...?? puk..... puk...

Lantaran itu komandan pukul terus, om ungke so rasa saki deng om ungke cabu besi putih kong dusu tu komandan. Dorang akhirnya urus di kantor opo laoh. Nentau ko te itu Om Ungke Dari Kampung MANALU deng om ungke brani melawang pa tu komandan lantaran ada bageta sadiki di warong sebelah..........